जालन्धर । जालन्धरबाट एक दुखद घटना घटेको समाचार प्राप्त भएको छ । यहाँ गडैपुरमा भाडामा बस्दै आएका श्रीमान श्रीमतीले विषाक्त पदार्थ सेवन गरि आत्महत्या गरेको स्थानीय प्रशासनले बताएको छ । प्रशासनको अनुसार दुवैको शव उनीहरुकै कोठामा फेला परेको थियो । शव तीनदेखि चार दिन पुरानो भएको बताइएको छ ।
बिहान नजिकका मानिसहरूले दुर्गन्ध सुँघेपछि घटनाबारे थाहा पाए । यो घटनाले क्षेत्रमा सनसनी फैलिएको छ । मृत्यु हुनेमा श्रीमान-श्रीमतीको सनाखत प्रेमबहादुर र श्रीमती भावना रहेको छ ।
उनीहरु लमही दाङ निवासी हुन् । घटनास्थलमा प्रहरी चौकी ८ र फोकल पोइन्ट पुगेर अनुसन्धान सुरु गरेको छ । त्यहाँबाट कुनै सुसाइड नोट नभेटिएको प्रहरी चौकी इन्चार्ज प्रदीप सिंहले बताए ।
