चण्डिगढ । मूल प्रवाह अखिल भारत नेपाली एकता समाजले केही दिन पहिला भारतव्यापी खोजीका लागि पहल गरेका डुकमान पंजाव राज्यको पटियालाबाट २३ अगस्त २०२४ देखि सम्पर्क बिहिन डुकमान बुढाथीकी पटियाला रेलवे स्टेशनमा भेटिएका छन् ।
मूल प्रवाहले खोज तलासमा तिव्रता दिएसंगै उनि हिजो बेलुका भेटिएका हुन् । प्युठान जिल्लाको गौमुखि गाउँपालिका वार्ड नम्वर ७ नारिकोट निवासी मिन बहादुर बुढाथोकिका छोरा डुकमान बुढाथोकी जागिरको खोजीमा भारतको पटियालामा पुगेका थिए । उनी केहि समयदेखि मानसिक रोगी रहेका कारण पंजाबको पटियालाबाट सम्पर्क बिहिन भएका थिए । तनावमा रहेको परिवारमा उनी भेटिदा खुसीको लहर छाएको छ ।
