खिमराज चालिसे चंडीगढ़,

4 अगस्त 2025, भारतको पंजाब राज्यको संगरुरमा मूल प्रवाह नगर समितिको आयोजनामा २०८२ को प्रगतिशील हरितालिका तिजको तैयारी भेला हिजो आईतवार ३ अगस्त २०२५ को सम्पन्न सम्पन्न भएको छ।

भेलाको उदघाटन मूल प्रवाह केन्द्रीय सचिवालय सदस्य दिनेश खडकाले गर्नु भएको थियो। खडकाले उदघाटन भाषणमा प्रगतिशील हरितालिका तिजको कार्यक्रमको महत्व बारे प्रकाश पार्नु भएको थियो। वहाले संघियता ख़ारेजीको आन्दोलन, भ्रष्ट्राचार, महंगी र युवाहरु विदेश पलायनको समस्या लगाएतका विषयमा चर्चा गर्नु भएको थियो।

कार्यक्रममा मूल प्रवाह सुदुर पश्चिमोत्तर क्षेत्रिय सदस्य खेमराज पोखरेल, महिला क्षेत्रिय सदस्य मन्जू शर्मा, सांस्कृतिक विभागका सरिता भुसाल, सिता आचार्य र गंगा आचार्य लगाएतको आथित्यता रहेको थियो। कार्यक्रम लक्ष्मी बिष्टको अध्यक्षतामा तथा राम प्रसाद खनालको संचालनमा सम्पन्न भएको हो भने स्वागत राजु खनालले गर्नु भएको थियो।