मूल प्रवाह अखिल भारत नेपाली एकता समाजले भारतको श्रीगंगानगरमा दुई महिनादेखि अलपत्र युवकको उद्दार गरी आफन्तको जिम्मा लगाएको छ ।
दार्चुला जिल्लाको दुहु गाउँपालिका–३ कार्की गाउँ निवासी करन सिंह कार्किका छोरा २० वर्षीय नन्दनसिंह कार्कीलाई मूल प्रवाहले उद्दार गरेको हो ।
दुई महिनाअघि नेपालबाट भारत आउने क्रममा उनी दिल्ली रेलवे स्टेशनबाट छुटेर बेपत्ता भएका थिए । अलपत्र परेका नन्दनलाई पछि राजस्थानको श्रीगंगानगर स्थित ‘अपना घर’ नामक आश्रामले आश्रय दिएको थियो ।
आश्रम सञ्चालक राजेन्द्र जैनले युवकलाई अलपत्र अवस्थामा फेला पारेपछि आश्रममा राखी आफन्तहरुको खोजि थालेका थिए । सोही क्रममा मूल प्रवाह श्रीगंगानगरलाई युवकको बारेमा जानकारी प्राप्त भएको थियो ।
उनको बारेमा जाकारी पाउनासाथ समाजका केन्द्रीय सचिव त्रिभुवन भट्टराई र नगर अध्यक्ष गिरु प्रसाद न्यौपाने तत्काल आश्राममा पुगी युवकको बारेमा सोधखोज गर्नुभएको थियो । अनुसन्धानका क्रममा नन्दनसिंहको घर ठेगाना थाह भएपछि उनका बुबा करनसिंहलाई नेपालबाट बोलाएर मूल प्रवाहले जिम्मा लगाएको हो ।
मूल प्रवाहले पहल गरी बेपत्ता छोरालाई परिवारसँग मिलन गराइदिएकोमा युवकका बुवा करनसिंह कार्कीले मूल प्रवाहलाई धन्यवाद दिनु भएको छ।
