कोट्टयाम केरला । अन्तर्राष्ट्रिय ऐक्यबद्वताको लागि नेपाली जनताको मञ्चको आयोजनामा बिश्व कम्युनिष्ट आन्दोलनका महान नेता का. भ्लादिमर ईलिच उल्यानोभ लेनिनको १५४औं जयन्ति र नेकपाको ७५औं स्थापना दिवस मनाइएको छ ।
प्रेम प्रसाद शर्माको अध्यक्षता र डिल बहादुर रानाको सञ्चालनबाट अगाडि बढेको सो सभामा मूल प्रवाह अखिल भारत नेपाली एकता समाजका केन्द्रीय सदस्य चोबनाथ शर्माले कार्यक्रमलाई सम्बोधन गर्नुभएको थियो । शर्माले नेकपाको स्थापना बारे स्पष्ट पार्नु भएको थियो । दक्षिण भारत क्षेत्रीय सदस्य भद्र बहादुर थापाले देशको समसामईक बिषयलाई प्रस्टाउनु भएको थियो । त्यस्तै दक्षिण भारत क्षेत्रीय सहसचिव तथा नगर अध्यक्षले लेनिनको बारेमा प्रस्टाउनु भएको थियो ।
धनकुमारी केसी, गणेश परियार, खिरमायाँ थापा, देबि रिजाल अधिकारी, रमा शर्माले शुःभकामना मन्तब्य राख्नुभएको थियो।
सर्वहारा बर्गको लागि आहुति दिने ज्ञात अज्ञात सहिदहरुप्रति एक मिनट मौनधारण पछि, उपस्थित जनसमुदायहरुलाई कुमारी थापाले स्वागत गर्नुभएको थियो ।
