लोकेन्द्र पौडेल,
चेन्नई । मूल प्रवाह अखिल भारत नेपाली एकता समाजले २२ वर्षीय नेपाली युवकको दाहसंस्कार गरेको छ ।
अगस्त १५, २०२३ का दिन निज युवकको निधन भएपछि मूल प्रवाहले आरुवाक्कमस्थित घाटमा दाहसंस्कार गरेको हो ।
दाहसंस्कारस्थलमा मूल प्रवाह तथा अन्य सङ्गठनका केशमान नेपाली, गोपाल विक, काशिराम शर्मा, लोकेन्द्र पौडेल, कोटिप्रसाद पोख्रेल, तेजेन्द्र पुन, नेत्रलाल शर्मा, राजेश विक, भीमबहादुर राउत, रामलाल विक, शङ्कर, चुमा योगी, महेन्द्र बस्याल, डोलबहादुर नेपाली, मनिलाल नेपाली, लङ्क थापा, लक्ष्मी नेपाली, प्रेम नेपाली, रवि नेपाली, रामदेव नेपाली, बुद्वबहादुर नेपाली, सुजन नेपाली, रामु नेपाली, तेज बलाएरलगायत आफन्तजन र परिवारका सदस्यहरूको उपस्थिति रहेको थियो ।
प्युठान जिल्ला स्वर्गद्वारी नगरपालिका वडा नं. ५ तल्लासारी प्युठान घर भई हाल तामिलनाडु चेन्नैमाको चेटपेमा जागिरको सिलसिलामा परिवारसहित रहदै आउनुभएका प्रकाश खड्काका २२ वर्षीय छोरा अर्जुन खड्काको अगस्त १४ का दिन निधन भएको थियो ।
सो खबर मूल प्रवाह अखिल भारत नेपाली एकता समाजमा प्राप्त हुन आएपछि तत्काल मूल प्रवाहका साथीहरू घटनास्थलमा पुगी आफन्तलगायतका सम्पूर्ण नेपालीको उपस्थितिमा प्रहरी प्रसासन र अस्पतालको प्रकृया पूरा दाहसंस्कार गरिएको हो ।
