चंडिगढ । रुपन्देही जिल्लाको सैनामैना नगरपालिका–१ की ४१ वर्षीया छमा पोखरेल ढकाल सम्पर्कविहीन भएकी छन् ।
गएको फागुन १८ गते माइतीघर कपिलवस्तु जिल्लाको बुद्धभूमी नगरपालिका–१ बाट घर सैनामैना फर्केकी छमा सोही दिनदेखि बेपत्ता भएकी हुन् ।
उनी भारततर्फ गएको आंशकामा परिवारका सदस्यले खोजीका लागि मूल प्रवाह अखिल भारत नेपाली एकता समाजसमक्ष आग्रह गरेको छ ।
छोरीको चौतर्फी खोजतलास पछि पनि नभेटिएपछि उनको पिता कुलराज पोखरेलले छोरीको खोज तलास गरिदिन मूल प्रवाहसँग अनुरोध गरेका छन् । पिता कुलराजको आग्रहमा मूल प्रवाहले छमाको भारतमा खोज तलास गरिरहेको जनाएको छ ।
उनी भेटिएमा नजिकको मूल प्रवाहको कार्यालय अथवा कुलराज पोखरेल ००९७७९८४७१३०८४२ वा भारतमा केशव प्रसाद आचार्य +९१ ७०४२७३७८४५ मा खबर गर्न मूल प्रवाहले आग्रह गरेको छ ।
