भटिण्डा । मूल प्रवाह अखिल भारत नेपाली एकता समाज नगर समिति बठिण्डामा ४६औं स्थापना दिवस सम्पन्न भएको छ ।
बालाराम जिसीको अध्यक्षता गिरी बहादुर मगरको सञ्चालन ज्ञात अज्ञात सहिदहरूप्रति १ मिनेट मौनधारण गणेश पोख्रेलले स्वागत गर्नुभएको थियो । स्थापना दिवसलाई संगठनको इतिहास एकता समाजले निभाउँदै आएको श्रमजीवी नेपाली मजदुरहरूप्रतिको भुमिका र भविष्यमा नेपाली श्रमजीवी वर्गप्रति हामीले निभाउनु पर्ने जिम्मेवारीको सम्बन्धमा ब्याख्या गर्दै जबसम्म हाम्रो मुक्ति हुँदैन तबसम्म हामीले निरन्तर संघर्षरत रहनुपर्ने बताउनु भयो । सबै कार्यकर्ता शुभचिन्तकहरूले एकता समाजको झण्डा मुनि गोलबन्द गर्न गराउन महत्वपूर्ण भुमिका खेल्नुपर्छ भन्दै ४६आंै स्थापना दिवसको शुभकामना दिनुभएको थियो ।
सो सभालाई महिला संयोजक संगिता नेपाली, माया ओली र टेकबहादुर केसीले शुभकामना दिनुभएको थियो ।
