खिमराज चालिसे

चंडीगढ़, २६ अगस्त २०२५

मूल प्रवाह सुदुर पश्चिमोत्तर क्षेत्रको श्रीगंगानगरमा २०८२ सालको प्रगतिशील तिजी कार्यक्रम आज मंगलवार २६ अगस्त २०२५ को भव्य रूपमा सम्पन्न भएको छ। “प्रवासी नेपालीहरुको मताधिकार र समानुपातिक प्रतिनिधित्वका लागि संघर्ष गरौं, भारतस्थित नेपालीहरूको हकहित र सामाजिक सुरक्षाको लागी संघर्ष गरौं ” भन्ने मूल नाराका साथ सम्पन्न सो समारोहको उदघाटन मूल प्रवाहका केन्द्रीयमहासचिव त्रिभुवन भट्टराईले मैनबत्ती बालेर गर्नु भएको थियो।

समारोहलाई सम्वोधन गर्दै महासचिव भट्टराईले यो व्यवस्थामा महिला र उत्पिडित वर्गको अधिकार कुन्ठित भईरहने हुदा यो व्यवस्थाको आमूल परिवर्तन गरेर मात्र महिलाहरुको हक अधिकार संरक्षण हुन सक्ने बताउनु भएको थियो।

समारोहमा मूल प्रवाह केन्द्रीय सदस्य कृष्ण जिसी, क्षेत्रिय सदस्य हुम बहादुर बिक, गिरु प्रसाद न्यौपाने, जागेस्वर न्यौपाने नगरका नेताहरु आरति नेपाली, कृष्णा नेपाली, सिबा नेपाली, कमला खडका, कमला जिसी, बोमबहादुर बिस्ट, नारायण न्यौपाने, सरस्वता न्यौपाने, प्रेम बिक, मोनु थापा, निरज थापा र बिजय थापाको आथित्यता रहेको थियो। तिजी कार्यक्रम बसन्ता नेपालीको अध्यक्षतामा तथा रेशम भन्डारीको संचालनमा सम्पन्न भएको थियो भने कृष्ण नेपाली र कलाकारहरुले स्वागत गरेका थिए।