काठमाडौं । मंसिर ४ गते सम्पन्न निर्वाचनमा प्रतिनिधि सभा समानुपातिकतर्फको मत गणना सकिनै लाग्दा सात दलले मात्रै थ्रेसहोल्ड कटाएका छन् । अब बाजुरा र दोलखाको मत एकीकृत गर्न बाँकी रहेको निर्वाचन आयोगले जनाएको छ । ती दुई जिल्लामा गरी करिब डेढ लाख मत रहेको अनुमान गरिएको छ ।

निर्वाचनमा भाग लिएका ४७ दल मध्ये ४० दलले पाएको समानुपातिक मत खेर जाने सम्भावना देखिएको छ।
समानुपातिक मत गणना सकिनै लाग्दा पनि थप दलले थ्रेसहोल्ड कटाउन सक्ने सम्भावना देखिएको छैन ।

निर्वाचन आयोगका अनुसार कूल सदर मतको ३ प्रतिशत मतलाई थ्रेसहोल्डको सीमा मानिएको छ। जुन दलले थ्रेसहोल्ड पार गर्छन्, तिनले मात्र मत संख्याअनुसार प्रतिनिधिसभा सदस्य राख्न पाउँछन्। तर थ्रेसहोल्ड कटेन भने दलले पाएका मत काम लाग्दैनन् अर्थात् खेर जान्छ।

मतगणनाको अन्तिम चरणसम्म आइपुग्दा नेकपा एमाले, नेपाली कांग्रेस, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी र जनमत पार्टीले मात्र थ्रेसहोल्ड कटाएको आयोगले जनाएको छ ।

अहिलेसम्मको आँकडा हेर्दा थ्रेसहोल्ड छुन ३ लाख १७ देखि १८ हजारसम्म मत ल्याउनुपर्ने देखिएको छ।

थ्रेसहोल्ड पार गर्न नसकेका ४० दलमध्ये नेकपा एकीकृत समाजवादी थ्रेसहोल्ड भेट्टाउन संघर्षरत छ। हालसम्म उसले २ लाख ९६ हजार ९० मत ल्याएको छ।

हेरौँ हालसम्म कुन दलको कति मत ?

नेकपा एमाले
२८,१४,६५५

नेपाली कांग्रेस
२६,८८,२१८

एकल चिह्न गोलाकारभित्र हँसिया–हथौडा ९नेकपा माओवादी केन्द्ररनेपाल समाजवादी पार्टी०
११,६४,१०२

राष्ट्रिय स्वतन्त्र पार्टी
११,२४,७७८

राष्ट्रिय प्रजातन्त्र पार्टी
५,८६,८१६

जनता समाजवादी पार्टी, नेपाल
४,२०,९५४

जनमत पार्टी
३,९४,५३८

नेकपा एकीकृत समाजवादी
२,९६,०९०

नागरिक उन्मुक्ति पार्टी
२,७१,६७४