बेंगलोर । मूल प्रवाह अखिल भारत नेपाली एकता समाज बैंगलोर उत्तर नगर समितिका अध्यक्ष एवं दक्षिण भारत क्षेत्रीय सदस्य धर्म पहरी र दक्षिण भारत महिला क्षेत्रीय विभागकी सदस्य दुरा पहरी पुत्र शोकमा पर्नु भएको छ । वहाँहरुका पुत्र विजय कुमार पहरीको २ जनवरी २०२३ का दिन मोटर साइकल दुर्घटनामा परि दुःखद निधन भएको थियो । यसै बीच बेंगलोर उत्तर एवं दक्षिण नगर समितिकाको आयोजनामा श्रद्धान्जली सभा सम्पन्न पारिएको छ ।
नेपाल घर बैतडी जिल्ला पाटन नगरपालिका वडा नं ६ तथा हाल बैंगलोरमा बस्दै आएका अखिल भारत नेपाली विद्यार्थी विभाग उत्तर नगर समिति बेंगलोरका अध्यक्ष विजय कुमार पहरी आफुसँगै कामगर्ने साथीहरुसँग पिकनिकको लागि मैयसुर गएका र बेलुका घर आउने क्रममा मण्डीया र राम नगरको बीचमा मदुर भन्ने ठाउँ मा ३१ डिसेम्बर २०२३को बेलुका करीब ५ः३० बजे बाइक दुघर्टनामा परी सिकिस्त भएका थिए । उनको उपचारको क्रममा २ जनवरीको राति २ः३० बजे निधन भएको हो ।
हुर्किएको र होनहार युवालाई गुमाउँदा सिंगो संगठन र घर परिवारलाई अपुरणर्य क्षती पुगेको छ । विजय जीवन बाल्यपनदेखि नरम स्वभाव हँसिलो अनुहार अध्ययन, खेलकुद तथा सामाजिक कार्यमा अति रुचि भएका B,come अध्ययन गरी वमिगा हेल्थ केयर कम्पनीमा कार्यरत थिए । मूल प्रवाह अखिल भारत नेपाली एकता समाजको बाल संगठन देखि संगठित भएका उनी कलाकार तथा विद्यार्थी विभागमा सक्रिए थिए ।
श्रद्धाञ्जली सभा दक्षिण नगर समितिका उपाध्यक्ष परमानन्द खाडायतको सञ्चालन पछि मूल प्रवाह अखिल भारत नेपाली एकता समाज केन्द्रीय सदस्य नरेश कुमार विक, दक्षिण भारत क्षेत्रीय समितिका उपाध्यक्ष दशरथ बिक उत्तर नगर समितिका उपाध्यक्ष ओम बहादुर दाहाल लगायतले शोक मन्तव्य राख्नुभएको थियो ।
