चेन्नै । मूल प्रवाह अखिल भारत नेपाली एकता समाजले चेन्नैमा भलिबल प्रतियोगिता आयोजना गरेको छ ।
एकता समाज दक्षिण भारत क्षेत्रीय समिति अन्तर्गत चेन्नै पश्चिम नगर समितिको आयोजनामा आइतबार नगरस्तरीय भलिबल प्रतियोगिता सम्पन्न भएको हो ।
प्रतियोगिताको उद्घाटन मूल प्रवाह केन्द्रीय खेलकुद विभाग संयोजक तथा दक्षिण भारत क्षेत्रीय अध्यक्ष चन्द्र बहादुर थापाले गर्नुभयो । खेलमा ९ टिमको प्रतिस्पर्धा रहेको थियो ।
प्रतियोगितामा चेन्नै उत्तर प्रथम र चेन्नै पश्चिम (वि) दित्तीय भएका थिए भने अनुशासनतर्फ सुनिल परियार र वेस्ट प्लेयर दिपक खत्री चुनिनु भएको थियो । विजयी खेलाडीलाई मूल प्रवाहका केन्द्रीय सदस्य केशमान नेपालीले पुरस्कार प्रदान गर्नु भएको थियो ।
खेलको रेफ्री चन्द्र बहादुर थापा र नं काउन्टिङतर्फ कोटि प्रसाद पोख्रेललाई पुरस्कृत गरिएको थियो।
कार्यक्रममा मूल प्रवाहका महासचिव कुल बहादुर थापा, केन्द्रीय सदस्य केशमान नेपाली, केन्द्रीय परिषद तथा दक्षिण भारत क्षेत्रीय कोषाध्यक्ष लोकेन्द्र पौडेल, केन्द्रीय परिषद तथा दक्षिण भारत क्षेत्रीय सदस्य काशिराम शर्मा, केन्द्रीय परिषद तथा दक्षिण भारत क्षेत्रीय सदस्य लक्षुमन चालिसे, केन्द्रीय परिषद तथा दक्षिण भारत क्षेत्रीय सदस्य गोपाल विक, केन्द्रीय परिषद तथा दक्षिण भारत क्षेत्रीय सदस्य कोटिप्रसाद पोख्रेल, केन्द्रीय परिषद तथा दक्षिण भारत क्षेत्रीय सदस्य ओमाकान्त शर्मा, दक्षिण भारत क्षेत्रीय सदस्य सूर्यप्रसाद भुसाल, पूर्वनगर महिला विभागबाट सम्झना नेपालीको आतिथ्यता रहेको थियो ।
मूल प्रवाह केन्द्रीय परिषद तथा पश्चिम नगर अध्यक्ष बुद्विराम पौडेलको अध्यक्षता र दक्षिण भारत क्षेत्रीय सदस्य तथा पश्चिम नगर सचिव किशोर शर्माको सञ्चालनमा अघि बढेको कार्यक्रममा केशमान नेपाली र लोकेन्द्र पौडेलले बधाई ज्ञापन गर्नु भएको थियो ।
