दाङ । २६ बैशाख २०८१ माता तिर्थ औंसीका दिन नमस्ते स्वास्थ्य अभियानको आयोजनामा आमाहरूको सम्मान गरिएको छ । घोराही १८ दाङ गिठेपानी फुर्शेखालीमा श्री आधारभूत विद्यालय गिठेपानीको प्रांगणमा सम्पन्न भएको हो ।
कार्यक्रम अध्यक्षता मात्रिका प्रसाद पाण्डेले गर्नुभएको थियो भने कार्यक्रममा मुख्य अतिथी सुरेशकुमार पाण्डे एवं देवी पाण्डे ‘पार्वता स्मृती साहित्य पर्तिष्ठान’का संस्थापक हुनुहुन्थ्यो ।
कार्यक्रममा उपस्थित जनमानसलाई केशर वहादुर रावतले स्वागत गर्नुभएको थियो । कार्यक्रममा नमस्ते स्वास्थय अभियानका अध्यक्ष तथा बाह्र नम्बर वार्डका सदस्य मात्रिका प्रसाद पाण्डेले नमस्ते स्वास्थ्य अभियानको तर्फबाट आमाहरूलाई मिठाई तथा फलफूल बितरण गर्नुभएको थियो ।
असि वर्ष पुरा भएका एघार जना वृद्धा आमाहरूलाई सुरेशकुमार पाण्डे र श्रीमती देवा पाण्डेद्वारा आमा पार्वताको सम्झनामा ‘पार्वता स्मृती साहित्य पर्तिष्ठान’को तर्फबाट दोसल्ला ओढाएर सम्मान गर्नुभएको थियो ।
कार्यक्रमामा श्रीमति डेमा पाण्डेद्वारा गीत र श्रीमति अम्बिका भट्टराईद्वारा आमा सम्बन्धी मुक्तकहरू पनि वाचन गर्नुभएको थियो ।
