भोपाल । मूल प्रवाह अखिल भारत नेपाली एकता समाज मध्ये भारत क्षेत्रीय समितिको आयोजनामा ११२ औं अन्तर्राष्ट्रिय महिला दिवस एवं आठौँ अखिल भारत सम्मेलन संदेश सभा सम्पन्न गरिएको छ । यस कार्यक्रम सभाको सञ्चालन श्रीमती सोनु थापा तथा अध्यक्ष्यता श्रीमती प्रेमा शर्माले गर्नु भएको थियो ।
कार्यक्रममा ज्ञात अज्ञात सहिदहरुप्रति १ मिनेटको मौनधारण पश्चात शुरु गरिएको कार्यक्रममा श्रीमती सरिता पचभैयाले स्वागत भाषण गर्नुभएको थियो ।
केन्द्रीय समितिबाट ताल बहादुर खड्का, मध्ये भारत क्षेत्रीय समितिबाट नारायण सापकोटा, लक्ष्मी रोका र लाल बहादुर क्षेत्री, भोपाल नगर समिति अध्यक्ष्य पिताम्बर पुलामी तथा रक्तिम बिभाग अध्यक्ष्य अर्जुन जीएम, उपस्थितका साथै आठौँ अखिल भारत सम्मेलनको संदेश तथा महिला दिवसको महत्व तथा उदेश्य बारे आ-आफ्नो मन्तब्य दिनुभएको थियो ।
