निलगिरी । मूल प्रवाह अखिल भारत नेपाली एकता समाज निलगिरी नगर समितिको आयोजनामा १३३औं अन्तर्राष्ट्रिय मजदुर दिवस मनाइएको छ । टेक बहादुर विकको अध्यक्षता र मिना हमालको सञ्चालनबाट अगाडि बढेको सो कार्यक्रममा शहिदप्रति एक मिनेट मौनधारण पछि लोकेन्द्र बिकले सहभागिहरुलाई स्वागत गर्नुभएको थियो ।
मजदुर दिवसको बारेमा जगत बहादुर हमाल र क्षेत्रीय समितिका सदस्य बिरे थापाले मन्तव्य राख्नुभएको थियो । त्यस्तै नगर समितिबाट लाल बहादुर थापा, बिद्यार्थी संघबाट कस्तुरी थापा, महिला बिभागबाट रुपा थापा उटि एरिया समितिबाट भिम परियारले मन्तव्य राख्नुभएको थियो ।
