#हेम बीजी
चिदम्बरम । मूल प्रवाह अखिल भारत नेपाली एकता समाज चिदम्बरम नगर समितिको आयोजनमा दशौं दक्षिण भारत क्षेत्रीय सम्मेलन पश्चत ‘सन्देश सभा’ भव्य रूपमा सम्पन्न भएको छ ।
जीवन पराजुलीको सञ्चालन, होम बहादुर जिसीको अध्यक्षता र अतिथि आसनग्रहण पश्चत ज्ञात अज्ञात शहिदहरुको संझनामा एक मिनेट मौनधारण गरि अघि बढेको सो सन्देश सभामा उपस्थित सम्पूणर् जनसमुदायहरूलाई शब्दद्वारा गोकूल बहादुर गायकले स्वागत गर्नु भएको थियो ।
सन्देश सभाका प्रमुख अतिथि केन्द्रीय समिति सदस्य बाला कृष्ण गायकले आफ्नो सन्देश मन्तव्य राख्दै – दशौं दक्षिण भारत क्षेत्रीय सम्मेलन ऐतिहासिक रुपमा भव्यकताका साथ सम्पन्न भएको बताउनु भयो । सम्मेलनको सन्देश नगर, एरिया, टोल हुँदै मूल प्रवाहका प्रत्येक सदस्य, शुभचिन्तक र आम जनसमुदायसम्म पुर्याउनु पर्ने आवश्यक रहेको बताउँदै गायकले बताउनु भयो । ‘दशौं दक्षिण भारत क्षेत्रीय सम्मेलनको सफलताले फुटपरस्त तत्वहरुलाई निद्रा लाग्ने छैन ।’
उक्त सन्देश सभामा सन्देश मन्तव्य राख्नु हुने वक्तहरुमा- महिला नगर विभागबाट खेम कुमारी जिसी, विद्यार्थी विभागबाट विनोद जिसी र क्षेत्रीय समितिबाट हेम बिजी हुनु हुन्थ्यो ।
