#धर्मराज शर्मा
तिरुवनन्तपुर केरला, ३१ जुलाई । मूल प्रवाह अखिल भारत नेपाली एकता समाज दक्षिण भारत क्षेत्रीय समिति अन्तरगत पर्ने तिरुवनन्तपुरम नगर समितिको आयोजनामा दक्षिण भारत क्षेत्रीय समितिको दशौँ सम्मेलन भब्य सफलता पछिको सन्देस सभा सु-सम्पन्न गरेको छ ।
दक्षिण भारत क्षेत्रीय समितिका सदस्य चिरञ्जीवी शर्माको प्रमुख अतित्थ्यतामा दशौं दक्षिण भारत क्षेत्रीय सम्मेलनको दौरानको परिस्थिति र मूल प्रवाहको महत्वबारे प्रष्टाउनु भएको थियो।
नगर उपाध्यक्ष भेषबहादुर नेपालीको अध्यक्षता र हरिलाल सापकोटाको सञ्चालनबाट अगाडि बढेको सो सभामा सहभागिहरुलाई धन बहादुर कार्किले स्वागत गर्नुभएको थियो ।
क्षेत्रीय समितिका घनश्याम पौडेल, नगर अध्यक्ष टिकाराम बैजाली, नगर सदस्य टुकमान बैजाली, दिपक बिक ज्ञामबहादुर बिक, प्रेम कुमार नेपाली, सन्तोष बिक, करन कुवँर लगायतले सन्देश सभामा मन्तव्य दिनुभएको थियो ।
