- कृष्ण पचभैया
भोपाल । मूल प्रवाह अखिल भारत नेपाली एकता समाज भोपाल महिला नगर विभाग को आयोजना मा हरितालिका तीजि कार्यक्रम भव्य रुपमा सम्पन्न भएको छ ।
ज्ञात अज्ञात सहिदहरुप्रति १ मिनेट मौनधारण पछि शुरु भएको सो कार्यक्रमको सञ्चालन नगर महिला सचिव श्रीमती सरिता पचभैया, अध्यक्ष्यता नगर महिला अध्यक्ष्य श्रीमती प्रेमा शर्मा, अतिथिमा नगर उपाध्यक्ष्य अर्जुन जिएम, स्वागत भाषण श्रीमती लक्ष्मी रोका मगरद्वारा भएको थियो ।
तीजि कार्यक्रममा नगर रक्तिम कलाकारहरुद्वारा स्वागत गित तथा तीजि नृत्य प्रस्तुत गरिएको थियो तथा भोपालबाट भिभिन्न समाज तथा संगठनबाट पनि महिला दिदि बहिनि तथा दाजु भाईहरु तीजि कार्यक्रममा सहभागी हुनुहुन्थ्यो ।
कार्यक्रममा उपस्थित केन्द्रीय सदस्य ताल बहादुर खड्का, मध्य भारत क्षेत्रीय अध्यक्ष्य नारायण सापकोटा, नगर समिति अध्यक्ष्य पिताम्बर पुलामी, रमेश राना, मानबहादुर थापा, हरि थापा लगायतको कार्यक्रममा सहभागिता रहेको थियो ।
