धर्म पहरी
बैंगलोर, 7 नोवेम्बर 2022, कर्नाटकको राजधानी बैंगलोरमा मूल प्रवाह अखिल भारत नेपाली एकता समाज बैंगलोर उत्तर नगर समितिको आयोजना समाज को 44 औं स्थापना दिवस कार्यक्रमको सम्पन्न भएको छ । नगर समिति की सदस्य सीता कुँवरको अध्यक्षता र बसन्ता दाहालको सञ्चालनमा अगाडी बढेको कार्यक्रममा अतिथिहरू दक्षिण भारत क्षेत्रिय समितिका सदस्य तथा उत्तर नगर समितिका अध्यक्ष धर्म पहरीको अतिथी आसन एवं ज्ञात अज्ञात सहितहरुको सम्मानमा एक मिनट मौनधारण पश्चात कार्यक्रममा सहभागी सम्पूर्णलाई नगर समिति की सदस्य दुरा पहरीले शब्दद्वारा स्वागत गर्नु भएको थियो ।

कार्यक्रममा अतिथी धर्म पहरीले एकता समाजको इतिहास बारेमा बताउदै समय-समयमा अवसरवादी, महत्वकांक्षीहरूले संगठनलाई दिशा विहीन या टुक्राउने प्रयास गरेता पनि सचेत कार्यकताहरूले त्यसको गरिमालाई बचाई राखेकाछन् र त्यो जिम्मेवारी अहिले हाम्रो काथमा आएको छ भन्नु भयो । कार्यक्रममा नगर समितिका सदस्य चक्र बहादुर रावल, नगर सदस्य तथा महिला विभाग सदस्य निर्मला दाहाल र कोपिला शर्माले शुभकामाना दिनु भएको थियो ।