चेन्नई । भारतको चेन्नैमा मूल प्रवाह अखिल भारत नेपाली एकता समाजले प्रगतिशील तिजी कार्यक्रम सम्पन्न गरेको छ ।
दक्षिण भारत क्षेत्रीय समितिअन्तर्गत चेन्नई पूर्व, पश्चिम, उत्तर, दक्षिण संयुक्त महिला विभागको आयोजनामा सेप्टेम्बर १७, २०२३ आइतबारका दिन उक्त कार्यक्रम सम्पन्न भएको हो ।
क्षेत्रीय सचिवालय सदस्य डिल्लिप्रसाद शर्माको प्रमुख आतिथ्य तथा केन्द्रीय उपाध्यक्ष कुलबहादुर थापाको विशिष्ट विशिष्ट आतिथ्यमा सम्पन्न सो कार्यक्रममा केन्द्रीय सदस्य केसमान नेपाली, क्षेत्रीय सचिवालय सदस्य काशिराम शर्मा, क्षेत्रीय सदस्यहरू कोटिप्रसाद पोखरेल, बुद्धिराम पौडेल, गोपाल विक, तेजेन्द्र पुन, नेत्रप्रसाद शर्मा, खगराज शर्मा, सूर्यप्रसाद भुसाल, क्षेत्रीय प्रतिनिधि उमानन्द चालिसे, पश्चिम नगर सदस्य चिन्तामणि आचर्या, चेन्नई पूर्व नगर महिला विभागबाट सम्झना नेपाली र रक्तिम सांस्कृतिक परिवारको तर्फबाट दिलबहादुर जिएमको आतिथ्य रहेको थियो ।
कार्यक्रमको उद्घाटन प्रमुख अतिथि शर्माले मैनबत्ती बालेर तालीको गडगडाबिच गर्नुभएको थियो ।
सो अवसरमा मन्तव्य राँख्दै उहाँले तिज पर्व तिज जस्तो नरहेकोले त्यसको विरोधमा प्रगतिशील ढङ्गले मनाउन थालिएको बताउनुभयो । बाट तीज लाई आफ्नो सांस्कृतिक परम्परालाई कायम राख्ने गरि मनाउँदै आएको र मूल प्रवाहमा आवद्ध महिलाहरूले त्यसको चिरफार गर्दै अगाडि बढ्न पर्ने आसवाना दिन भयको थिय।
त्यस्तै, उपाध्यक्ष कुलबहादुर थापाले मन्तव्य राख्दै महिलाहरूले तिजी कार्यक्रमलाई पनि राष्ट्र र राष्ट्रियताको पक्षमा आन्दोलनको रूपमा मनाउनुपर्ने सुझाव बताउनुभयो ।
कार्यक्रममा केन्द्रीय सदस्य केसमान नेपाली, क्षेत्रीय सचिवालय सदस्य काशिराम शर्मा, क्षेत्रीय सदस्यहरू कोटिप्रसाद पोखरेल, बुद्धिराम पौडेल, नेत्रलाल शर्मा, तेजेन्द्र पुन, उमानन्द चालिसे, गोपाल विक, खगराज शर्मा, सूर्य भुसाल, चिन्तामणि शर्मालगायतले मन्तव्य राख्नुभएको थियो ।
पश्चिम नगर समितिका संयोजक चन्द्रिका पौडेलको अध्यक्षता तथा दक्षिण नगर महिला विभाग संयोजक तथा संयुक्त महिला विभाग संयोजक नवीना बस्नेत पौडेलको सञ्चालनमा अगाडि बढेको सो कार्यक्रममा दक्षिण नगर महिला विभाग सदस्य लीला ढकाल र रक्तिम सांस्कृतिक परिवारले गीतबाट स्वागत गर्नुभएको थियो ।
