चेन्नई पश्चिम । मूल प्रवाह अखिल भारत नेपाली एकता समाज चेन्नई पश्चिम नगर समितिको आयोजनामा ४५औं स्थापना दिवस सम्पन्न भएको छ ।
मूल प्रवाह नगर सचिव श्री किशोर शर्माले सञ्चालन गर्नुभएको उक्त कार्यक्रममा प्रमुख अतिथि मूल प्रवाह केन्द्रीय समितिबाट कुल बहादुर थापा हुनुहुन्थ्यो । संगठनको ४५औं स्थापना दिवसको महत्व र यसको गरिमामय इतिहासको बारेमा संक्षिप्त मन्तव्य राख्दै कुल बहादुर थापाले रगतले लेखिएको यो गौरवमय इतिहास कुनै अबसरवादको दुष्प्रभाव नपर्ने बताउनु भयो । साथै धैर्य, शाहस र बलिदानको अगाडि अराजकता, दुर्बल थापाले बताउनु भयो । फूटपरस्तहरुको गतिविधि केवल ब्यक्तिगत कुण्ठामा मात्र सिमित रहेको बताउनु भएको थियो ।
मूल प्रवाह दक्षिण भारत क्षेत्रीय सदस्य तथा चेन्नई पश्चिम नगर अध्यक्ष बुद्धिराम पौडेलको अध्यक्षतामा सम्पन्न भएको यो कार्यक्रममा शुभकामना मन्तव्य राख्ने साथीहरुमा मूल प्रवाह नगर सदस्य तथा रक्तिम नगर संयोजक डिल बहादुर जी एम, नगर सदस्य दुर्गा बहादुर रायमाझी, प्रकाश नेपाली, तिलक शर्मा लगायत हुनुहुन्थ्यो ।
