जापान । जापान नेपाली एकता समाज जापान, ओसाकाको दोस्रो क्षेत्रीय भेला सोमबार (जनवरी ३१ ) सिन ओसाकाको कोको प्लाजा हलमा सम्पन्न भएको छ । भेलाले १७ सदस्यीय कार्यसमिति र ५ सल्लाहकार सहितको नयाँ कार्य समिति चयन गरेको छ ।
समाजका केन्द्रीय अध्यक्ष यामलाल सापकोटाको प्रमुख आथित्यतामा सम्पन्न भेलामा अन्तराष्ट्रिय नेपाली एकता समाजका सदस्य गोपाल सापकोटाको विशेष अतिथि हुनुहुन्थ्यो । जापान नेपाली एकता समाज क्षेत्रीय समिती ओसाकाका अध्यक्ष कमल कार्कीको अध्यक्षता तथा केन्द्रीय सदस्य मेघराज रिष्मेलीको सञ्चालनमा सम्पन्न कार्यक्रममा गोपालकृष्ण सापकोटाले स्वागत गर्नुभएको थियो ।
भेलामा रक्तिम अभियान जापानका सचिव टिका केसी दीपक, एकता समाज ह्योगो क्षेत्रीय समितीका अध्यक्ष भुवन सापकोटा भेषराज, एकता नौमती बाजा समूह अध्यक्ष मन बहादुर सलामी, एकता समाजका केन्द्रीय महासचिव तेजेन्द्र क्षेत्री, अन्तर्राष्ट्रिय नेपाली एकता समाजका सल्लाहकार हेमलाल गौतम, समाजका केन्द्रीय सल्लाहकार नन्दु शर्मा, गल्कोट समाज जापान कान्साई एवम् जनप्रगतीशिल मञ्च कान्साईका वरिष्ठ उपाध्यक्ष कुलविर थापा, जनसम्पर्क समिति कान्साईका प्रतिनिधी एवम् नेपाली कांग्रेस जिल्ला समिति बाग्लुङ्गका सदस्य यदुराम सापकोटा, महिला अथिती रूपा सापकोटा र माया केसीको उपस्थिती रहेको थियो ।
भेलाको बिचमा रक्तिम सांस्कृतिक अभियान जापानका सचिव टीका केसीले रक्तिम गीत र नृत्य प्रस्तुत गर्नुभएको थियो भने सदस्यद्वय भावना सापकोटा र सिर्जन सापकोटाले ‘मधेशी पहाडी हिमालका हिमाली’ गीतमा नृत्य प्रस्तुत गरेका थिए । भेलामा एकता नौमती बाजा समूहले बिच बिचमा नौमती बाजा र गीत सहित प्रस्तुत गरेर हलमा दर्शकलाई नचाएर माहोल तताएका थिए।
भेलामा जनसम्पर्क समिती कान्साईको तर्फबाट यदुराम सापकोटा, गल्कोट समाजको तर्फबाट कुलविर थापा, एकता समाजको तर्फबाट गोपालकृष्ण सापकोटा, ह्योगो अध्यक्ष भुवन सापकोटाले शुभकाना मन्तव्य राख्नुभएको थियो भने एकता समाजका महासचिवले नयाँ कार्यसमितिको नामवली प्रस्तुत गर्नुभएको थियो ।
दोस्रो भेलाबाट निर्वाचित समितिको अध्यक्षमा गोपाल खत्री, उपाध्यक्ष मेघराज रिष्मेली, सचिव गोपाल कृष्ण सापकोटा, सह–सचिव सुमन सापकोटा र कोषाध्यक्षमा राजन सापकोटा चयन हुनुभएको छ ।
सदस्यहरुमा मनबहादुर सलामी, टिका केसी दिपक, नरेश खत्री, चेतना सापकोटा, रोशन सापकोटा, राजु परियार, होमराज परियार, दीपक परियार, दिलु खत्री, रोशन गौचन, विकास सापकोटा, मिना सलामी रहनुभएको छ । त्यस्तै, सल्लाहकारमा कमल कार्की, राजु केसी,ठाकुर चालिसे, भक्त सापकोटा, मिलन शर्मा हुनुहुन्छ ।
नवनिर्वाचित कार्यसमितिलाई समाजका केन्द्रीय अध्यक्ष यामलाल सापकोटा र निवर्तमान अध्यक्ष कमल कार्कीले बधाई तथा सफल कार्यकालको शुभकामना सहित प्रमाण पत्र र खादा लगाएर प्रमाण पत्र दिनुभएको थियो भने एकता समाजलाई विभिन्न चरणमा सहयोग गर्नुभएका महिलाहरूलाई कदर पत्र सहित खादा ओढाएर सम्मान गरिएको थियो ।
