चिदम्बरम, ५ मई । अन्तर्राष्ट्रिय एकताको लागि नेपाली जनताको मञ्च चिदम्बरमको आयोजनमा २०५औं कार्ल मार्क्स दिवस सम्पन्न पारिएको छ ।
कार्यक्रमका प्रमुख अतिथि मूल प्रवाह केन्द्रीय सदस्य बालाकृष्ण गायकले मन्तव्य राख्दै- कार्ल मार्क्स विश्व सर्वहारा वर्गका महान् गुरु, क्रान्तिकारी कम्युनिष्ट सिद्धान्तका संस्थापक तथा विश्व कम्युनिष्ट आन्दोलनका नेता हुनुहुन्छ भन्दै मार्क्सवादी दर्शन र सिद्धान्तको प्रयोगबाट नै रुस र चीनमा कम्युनिष्ट क्रान्ति सफल भएको भन्दै नेता गायकले- विश्व कम्युनिष्ट आन्दोलन अहिले रक्षात्मक अवस्थामा भए पनि आखिर विश्व कम्युनिष्ट आन्दोलन र सर्वहारा वर्गको विजय हुने विचार राख्नु भयो ।
हेम बिजीको उद्घोषक, संगिता गन्धर्वको अध्यक्षता र शहिदहरुप्रति एक मिनेट मौनधारण गरि अघि बढेको सो कार्यक्रममा उपस्थित जनसमुदायहरूलाई शब्दद्वारा होम बहादुर जिसीले स्वागत गर्नु भएको थियो ।
कार्यक्रममा विद्यार्थी विभागबाट विनोद जिसी, नगर महिला विभागबाट खेम कुमारी जिसी र मूल प्रवाह नगर समितिबाट सुर्यमान गिरीले विचार मन्तव्य राख्नु भएको थियो ।
