हेम विजी
चिदम्बरम । मूल प्रवाह अखिल भारत नेपाली एकता समाज चिदम्बरम नगर समितिले २०७९ सालको दिपावली तथा तिहारको अवसरमा खेलिने प्रगतिशिल देउसी भैलोलाई ‘मौसमी चन्दा अभियान’ कार्यक्रमको रुपमा सम्पन्न पारेको छ ।
आगामी मंसिर ४ गते हुन गईरहेको प्रतिनिधि सभा र प्रदेश सभा चुनावको प्रचार प्रसार सहित चुनावमा व्यापक जनसहभागिता बनाउने र राष्ट्रिय जनमार्चाका उम्मेदवारहरूलाई देश व्यापी रुपमा विजय गराउने उद्देश्य साथ उक्त अभियान चलाईएको थियो ।
यहि अक्टुबर २३ देखी २७ गतेसम्म चलाईएको अभियान नगर, एरिया, टोल हँुदै आम नेपाली दाजुभाई तथा दिदी बहिनीहरुको घर दैलो कार्यक्रम रुपमा अघि बढेको थियो । सो अभियानमा केन्द्रीय सदस्य बालाकृष्ण गायक, परिषद सदस्य हेम बिजी, क्षेत्रीय सदस्य नारायण शर्माको बिषेश उपस्थित रहेको थियो भने नगर समितिका गोकूल बहादुर गायक, सुर्यमान गिरी, देवेन्द्र आचार्य, रमाकान्त शर्मा, जीवन पराजुली लगायत व्यापक जनसहभागितामा कार्यक्रम सम्पन्न भएको थियो ।
उच्च आर्थिक सहयोग साथ मौसमी चन्दा अभियान सफल पारि दिनुभएकोमा सम्पूर्ण सदस्य, समर्थक, शुभचिन्तक र आम जनसमुदायहरूलाई नगर अध्यक्ष मोहराज शर्माले अनलाईन माध्यमबाट धन्यवाद प्रकट गर्नु भएको थियो ।
