- कृष्ण पचभैया
भोपाल, २६ अक्टुबर । मूल प्रवाह अखिल भारत नेपाली एकता समाज भोपाल नगर समितिको आयोजनामा २०२२ को जनबादी भैलो कार्यक्रम भव्य रुपमा सम्पन्न भएको छ ।
यस कार्यक्रमको आरम्भ ज्ञात अज्ञात शहिदहरु प्रती १ मिनेटको मौनधारण पछि शुरु गरिएको कार्यक्रमको सञ्चालन नगर सचिव श्रीमती सोनु थापा, अध्यक्ष्यता नगर अध्यक्ष्य पिताम्बर पुलामीले र स्वागत भाषण नगर उपाध्यक्ष्य अर्जुन जीएमले गर्नुभएको थियो साथै कार्यक्रमको शुरुआत रक्तिम कलाकारहरुद्वारा स्वागत गित प्रस्तुत गरिएको थियो ।
कार्यक्रममा केन्द्रीय सदस्य ताल बहादुर खड्का, लाल बहादुर क्षेत्री, मध्ये भारत क्षेत्रीय समिति अध्यक्ष्य नारायण सापकोटा, नगर समितिबाट रमेश राना, नेपाली एकताका सम्वाददाता कृष्ण पचभैया, महिला बिभागबाट प्रेमा शर्मा, रक्तिम बिभागबाट नारायण सिंह गाहा उपस्थित हुनुहुन्थ्यो । कार्यक्रमको उद्घाटन ताल बहादुर खड्काद्वारा दिप प्रोज्वोलित गरि भएको थियो ।
यस २०२२ को जनबादी भैलो कार्यक्रममा रक्तिम बिभागका विभिन्न कलाकारहरुद्वारा बिभिन्न प्रकारका देउसी भैलो गित नृत्यहरु प्रस्तुत गरि भब्य रुपमा कार्यक्रम सम्पन्न गरिएको थियो ।
