धर्म पहरी
बैंगलोर 6 नोवेम्बर, मूल प्रवाह अखिल भारत नेपाली एकता समाज बैंगलोर उत्तर र दक्षिण नगर समितिको संयुक्त देउसी भैलो समापन कार्यक्रम 06/11/2022 का दिन मूल प्रवाह उत्तर नगर समितिका उपाध्यक्ष ओम बहादुर दाहालको अध्यक्षता तथा दक्षिण नगर समितिका सहसचिव दान बहादुर पहरीले सञ्चालन गर्नु भएको थियो भने प्रमूख अतिथि मूल प्रवाह अखिल भारत नेपाली एकता समाज दक्षिण भारत क्षेत्रिय समितिका का.वा.अध्यक्ष दसरथ बि.क. तथा अन्य अतिथिहरुमा मूल प्रवाह केन्द्रिय सदस्य नरेश कुमार बि.क., दक्षिण भारत क्षेत्रिय समितिका सदस्य धर्म पहरी, मान बहादुर बि. क. र परमानन्द खडायतको अतिथ्यता पछि ज्ञात-अज्ञात सहिदहरुको सम्मानमा एक मिनेट मौनधारण पछि प्रमुख अतिथिले प्रगतिशील देउसी-भैलो बारेमा स्पष्ट गर्नु भएको थियो । कार्यक्रममा दुरा पहरी, निर्मला दाहाल, चक्र बहादुर रावल, मूल प्रवाह दक्षिण नगर समितिबाट रमेश बि.क.,राजु बि.क., सुनिता बि.क.ले पनि मन्तव्य राख्नु भएको थियो ।
समापन समारोहको सिलसिलामा मूल प्रवाह अखिल भारत नेपाली एकता समाजको सांगठानिनक गतिविधिलाई व्यापकता दिन बैंगलोर उत्तर र दक्षिण नगर समितिको संयुक्त कार्य योजनाको लागि ओम बहादुर दाहाल को संयोजकत्व 7 जनाको सहकार्य समिति गठन गरिएको छ । अन्य सदस्यहरु नरेश कुमार बि.क, धर्म पहरी, तिलक बहादुर के.सी., परमानन्द खडायत, रमेश राम बि.क र दान बहादुर पहरी हुनु हुन्छ । सहकार्य समितिले दुबै नगरमा नेपालीहरू माथी आई पर्ने विभिन्न समस्याहरू एवं एक-दोस्रो नगरमा संगठनका निर्माणका नयाँ सम्भावनाहरूमा सहकार्य गर्ने छ ।