चिदम्बरम, ७ जुन । मूल प्रवाह अखिल भारत नेपाली एकता समाज चिदम्बरम नगर समितिको आयोजनामा एक दिवसीय प्रशिक्षण शिविर कार्यक्रम सम्पन्न भएको छ ।
गोकूल बहादुर गायकको सञ्चालन एवं मोहराज शर्माको अध्यक्षता, केन्द्रीय सदस्य चन्द्रकान्त शर्मा, जनकराज पौडेल, बालाकृष्ण गायक र क्षेत्रीय सदस्य नारायण शर्माको अतिथि आसनग्रहण पश्चत ज्ञात अज्ञात सहिदहरुप्रति एक मिनेट मौनधारण गरि अघि बढेको सो प्रशिक्षण कार्यक्रममा उपस्थित सम्पूणर् प्रशिक्षणार्थीहरुलाई जीवन पराजुलीले स्वागत गर्नुभएको थियो।
सो प्रशिक्षणमा देशको राजनैतिक परिस्थिति, राष्ट्रघात र साम्राज्यवादी हस्तक्षेप विरुद्ध राष्ट्रवादी आन्दोलन सम्बन्धी जनकराज पौडेलले प्रशिक्षण दिनुभएको थियो भने मूल प्रवाहको लक्ष्य उद्देश्य, संगठानात्मक भूमिका, आर्थिक नीति र प्रकाशनको महत्व सम्बन्धी बिषयमा चन्द्रकान्त शर्माले प्रशिक्षण दिनुभएको थियो ।
