कृष्ण पचभैया
भोपाल, ११ जुन । मूल प्रवाह अखिल भारत नेपाली एकता समाज मध्य-उत्तर भारत क्षेत्रीय समिति अन्तर्गत भोपाल नगर समितिले संदेश सभा सम्पन्न गरेको छ ।
यस संदेश सभा कार्यक्रमको अध्यक्षता अर्जुन जी.एम., सञ्चालन सोनु थापाले गर्नुभएको थियो । कार्यक्रममा केन्द्रीय समितिका सदस्य ताल बहादुर खड्का, लाल बहादुर क्षेत्री, मध्य उत्तर भारत क्षेत्रीय समिति सचिव नारायण सापकोटा, सदस्य सुरेश पाण्डे, रमेश राना तथा मध्य उत्तर भारत क्षेत्रीय समिति अन्तर्गत महिला विभाग कि संयोजक सोनु थापा, सदस्य लक्ष्मी राना, प्रेमा शर्मा, श्रीमाया खम्चाकीले आसन ग्रहण गर्नुभएको थियो ।
उपस्थित कार्यकर्ता सदस्यहरुले आ-आफ्ना धारणा राख्नुभएको थियो । आर्थिक, व्यस्थापन, कलाकार आदि लगायतका विषयमा नारायण सापकोटाले सुझाउनु भएको थियो । रमेश राना, सुरेश पाण्डेले आ-आफ्ना विचार राख्नु भएको थियो ।
लाल बहादुर क्षेत्रीले सदस्यता अभियान, पत्रिका ग्रहण वितरण र नयाँ स्थानहरुमा समिति गठन र पुनर्गठन गर्नु पर्नेमा जोड दिनुभएको थियो । केन्द्रीय सदस्य ताल बहादुर खड्काले कार्यकर्तालाई प्रशिक्षणको आवस्यकता बारे तथा समय मिलाई प्रशिक्षण कार्यक्रम गर्नु पर्ने बताउनु भएको थियो ।
