चिदम्बरम , १७ अगस्त । मूल प्रवाह अखिल भारत नेपाली एकता समाज चिदम्बरम नगर समिति अन्तर्गत सेतियातोप एरिया समिति तथा परिवारको तर्फबाट श्री जय बहादुर गायक निधन भएको ११औं दिनको पुण्यतिथिमा आयोजना गरिएको शोकसभा तथा अन्तिम श्रद्धाञ्जली कार्यक्रम सम्पन्न भयो।
प्रेम बहादुर गायकको अध्यक्षता, विनोद गायकको उदघोषक, अतिथिहरु नगर सचिव गोकुल बहादुर गायक, पाण्डीचेरी नगर समितिबाट सुर्य गायक, महिला विभागबाट सरस्वती गायकको अतिथि आसनग्रहण पश्चत श्री जय बहादुर गायकको संझना एवं मृतक आत्मको चिरशान्तिको कामनामा २ मिनेट मौनधारण र अबिर फूलले फोटोमा माल्यार्पण गरि अन्तिम श्रद्धाञ्जली अर्पण गर्दै अघि बढेको उक्त शोक सभा कार्यक्रममा शोक मन्तव्य राख्दै अतिथि गोकुल बहादुर गायकले भन्नु भयो- एउटा ईमान्दार, अनुसासित, निरन्तर एरिया समतिमा रहेर योगदान दिदै आउनु भएको श्री जय बहादुर गायकलाई गुमाउनु पर्दा निकै दुःखत, स्तब्ध र मर्माहित भएको बताउदै श्री गायकले भन्नु भयो- उहाँको निधनले हाम्रो समिति र सिङगो मूल प्रवाहलाई क्षति पुगेको विचार व्यक्त गर्नु भयो।
उक्त शोक सभा तथा अन्तिम श्रद्धाञ्जली कार्यक्रममा अतिथि सुर्य गायक, सरस्वती गायक, छोराहरु राजु गायक, जीवन गायक, बुहारीहरु प्रविना गायक र नविना गायकले शोक मन्तव्य राख्नु भएको थियो। छोरी मिना गायक हाल स्वदेश भएकोले शोक सभामा उपस्थित हुन नसेको पनि बाबाको निधनले आफु निकै शोकमा ढुबेको शोक सन्देश पठाउनु भएको थियो।
अन्तिममा धर्मपत्नी लक्ष्मी गायकले- श्रीमानको असामयिक निधनले आफू शोकाकुल पिडामा परेको बताउदै श्रीमानको मृतक आत्मको चिरशान्तिको कामना सहित भावविभोर शोक मन्तव्य राख्नु भएको थियो।
