चिदम्बरम । मूल प्रवाह अखिल भारत नेपाली एकता समाज चिदम्बरम नगर समितिको आयोजनमा मूल प्रवाहको ४५औं स्थापना दिवस भव्य रुपमा सम्पन्न भयो ।
नगर सदस्य नारायण शर्माको अध्यक्षता, पवित्रा शर्माको उद्घोषक, केन्द्रीय सदस्य बालाकृष्ण गायक, नगर सदस्य रुद्रप्रसाद शर्मा, नगर महिला विभाग सदस्य दुर्गा देवि हमाल लगाएत अतिथिहरूको आसनग्रहण पश्चत सहिदहरुप्रति एक मिनेट मौनधारण गरि अघि बढेको उक्त स्थापना दिवशमा उपस्थित सम्पूणर् जनसमुदायहरूलाई शब्दद्वार जीवन पराजुलीले स्वागत गर्नु भएको थियो ।
कार्यक्रमका प्रमुख अतिथि बालाकृष्ण गायकले आफ्नो विचार मन्तव्य राख्दै- ईतिहासका प्रत्येक कालखण्डमा अवसरवादीहरु र फुटपरस्तहरुले मूल प्रवाहको महान् लक्ष्य माथि बाधा अवरोध उत्पन्न गरे पनि मूल प्रवाहको गति र ईतिहास नरोकिएको बताउनु भयो ।
नेता गायकले- मूल प्रवाह मात्र भारतस्थित श्रमजीवी नेपालीहरुको अभिभावक संगठन भएको र मूल प्रवाह प्रवासी नेपालीहरुको समस्याहरूको समाधान बनेको विचार व्यक्त गर्नु भयो ।
सो स्थापना दिवस कार्यक्रममा नगर सदस्य रुद्र प्रसाद शर्मा र नगर महिला विभाग सदस्य दुर्गा देवि हमालले शुभकामना मन्तव्य राख्नु भएको थियो ।
