धर्म पहरी
बैंगलोर दक्षिण । मूल प्रवाह अखिल भारत नेपाली एकता समाज दक्षिण नगर समिति बंगलौरको आयोजनामा देउसीभैलो कार्यक्रम सम्पन्न पारिएको छ ।
नगर समितिका सहसचिव दान बहादुर पहरी सञ्चालन तथा नगर समितिका अध्यक्ष नरेश कुमार बिकको अध्यक्षताबाट अगाडि बढेको सो कार्यक्रममा केन्द्रीय सदस्य तथा दक्षिण भारत क्षेत्रीय सचिव जनकराज पौडेलको प्रमुख आतित्थ्यता रहेको थियो । त्यस्तै केन्द्रीय सदस्य चन्द्रकान्त शर्मा, दक्षिण भारत क्षेत्रीय समितिका उपाध्यक्ष दसरथ बिक, कोषाध्यक्ष लोकेन्द्र पौडेल, सदस्य मिना हमालको पनि अतिथ्यता रहेको थियो ।
ज्ञात अज्ञात सहिदहरुको सम्मानमा एक मिनेट मौनधारण पछि उपस्थित सम्पूर्णलाई शब्दबाट रमेश राम बिकले र संगीतबाट रक्तिमका कलाकारहरुले स्वागत गर्नुभएको थियो ।
प्रमुख अतिथि पौडेलले मूल प्रवाहको देउसी भैलो र अन्य सांगठनिक संरचना बारेमा स्पष्ट पार्नु भएको थियो भने अन्य अतिथिहरुले पनि आ-आफ्नो तर्फबाट शुभकामना मन्तब्य ब्यक्त गरेका थिए ।
