धर्म पहरी
बेङगालोर दक्षिण । मूल प्रवाह अखिल भारत नेपाली एकता समाज दक्षिण नगर समिति बेंगलोर अन्तर्गत महिला विभागको आयोजनामा ११४औं अन्तर्राष्ट्रिय श्रमिक नारी दिवस कार्यक्रम सम्पन्न पारिएको छ ।
चाँदनी देवीको सञ्चालन तथा राजु देवी विकको अध्यक्षता पछि अतिथि आसन ग्रहणमा मूल प्रवाह अखिल भारत नेपाली एकता समाज दक्षिण भारत क्षेत्रीय समितिका उपाध्यक्ष दशरथ विक, क्षेत्रीय महिला विभाग सदस्य पार्वती देवी विक र जेष्ठ नागरिक कलावती विकको आतिथ्यता पछि ज्ञात अज्ञात सहिदहरूको सम्मानमा एक मिनट मौनधारणा पछि उपस्थित सम्पूणर् जनमानसलाई शब्दबाट सुनिता देवी विकले स्वागत मन्तब्य ब्यक्त गर्नु भएको थियो ।
क्षेत्रीय उपाध्यक्ष दशरथ विक, क्षेत्रीय सदस्य पार्वती देवी विक, मूल प्रवाह दक्षिण नगर समितिका कोषाध्यक्ष रमेशराम विक र रमिला जाग्रीले पनि आ-आफ्नो तर्फबाट शुभकामना मन्तब्य व्यक्त गर्नुभएको थियो ।
