भोपाल, मध्य प्रदेश । मूल प्रवाह अखिल भारत नेपाली एकता समाज नगर समिति भोपाल महिला विभागको आयोजनामा प्रगतिशील तिजी कार्यक्रम भव्य रुपमा सम्पन्न भएको छ ।
यस कार्यक्रमको सञ्चालन सरिता पचभैयाले र अध्यक्ष्यता लक्ष्मी रोका मगरले गर्नुभएको थियो । ज्ञात अज्ञात सहिदहरूप्रति १ मिनेटको मौनधारण पश्चात कार्यक्रममा उपस्थित जनमानसलाई स्वागत भाषण गोमा केसीले गर्नुभएको थियो ।
केन्द्रीय सदस्य ताल बहादुर खड्का, क्षेत्रीय समितिका सचिव नारायण सापकोटा, श्रीमती सोनु थापा, अर्जुन जी एम तथा नगर अध्यक्ष रमेश राना र पुर्व अध्यक्ष पीताम्बर पुलामी लगायतले आतित्थ्यता एवं कार्यक्रम सफलताको शुभकामना मन्तव्य दिनुभएको थियो ।
कार्यक्रमको शुरुआत दक्षिण भारत महिला क्षेत्रीय पूर्व सदस्य सावित्री थापाको असामयिक निधन तथा कार्यक्रममा भोपाल स्थित विभिन्न संघ संस्थाबाट आमंत्रित अतिथिगणहरू पनि उपस्थित भई उपस्थित जनमानसलाई तिजको शुभकामना दिनुका साथै आ–आफ्नो मन्तब्य दिनुभएको थियो ।
कार्यक्रममा रक्तिमका कलाकार भाई बहिनीहरूको विभिन्न गीत संगीत मा नृत्य प्रस्तुति थियो साथै महिला दीदी बहिनीहरूले विभिन्न तीज गीतहरूमा प्रस्तुति दिनुभएको थियो ।
