भोपाल । मूल प्रवाह अखिल भारत नेपाली समाज भोपाल नगर समितिद्वारा बर्ष बनभोज कार्यक्रम सम्पन्न गरेको छ ।
मूल प्रवाह भोपालद्वारा नेपाली परम्परा, रितिरिवाज, संस्कृतिको जगेर्ना गर्दै, रोजगारीको खोजीमा भारत प्रवासमा रहेपनि विभिन्न कार्यक्रमहरू प्रगतिशील आधारमा मनाउँदै आइरहेको छ र यस बर्ष पनि विभिन्न कार्यक्रम सहित बनभोज कार्यक्रम राखिएको थियो ।
कार्यक्रममा सम्पूर्ण उपस्थित अतिथिहरू तथा कलाकारहरूलाई सम्मान स्वरुप प्रशंसा प्रमाण तथा पुरस्कार वितरण गरिएको थियो साथै नयाँ जोडिनु भएका सदस्यहरू र बरिष्ठ सदस्यहरूलाई अबिर तथा मालाले सम्मान गरिएको थियो ।
कार्यक्रमको सञ्चालन सोनु थापा र अध्यक्ष्यता रमेश रानाले गर्नुभएको थियो । केन्द्रीय सदस्य ताल बहादुर खड्का, क्षेत्रीय समिति सचिव नारायण सापकोटा, पशुपतिनाथ नेपाली समाज मन्दिर अध्यक्ष्य लोकमनी घिमिरे लगायत भोपालस्थित विभिन्न समाज, संघ संस्थाहरूबाट आतित्थ्यता एवं मन्तव्य दिनुभएको थियो ।
