डा. गोविन्दप्रसाद आचार्य ##
कोरोनाले झ्याँको झार्यो तिम्रो प्रजातन्त्रलाई ।
साम्यवादमा हिडाउने हो अब विश्वलाई ।
धनी देश आनन्दको भन्ने तागत देखियो ।
पुष्टि भयो साम्यवादको नीति चाहियो ।
साम्यवादको विचारले विश्व जितिसकेछ ।
संसारका गरिबलाई यही सही छ ।
कोरोनाले मानवक्षेति गर्दा दुःख लाग्या छ ।
प्रजातन्त्र रहस्यको पर्दा खुल्या छ ।
दुःख लाग्छ मानवक्षति जहाँ भए पनि ।
जनताको रहेनछ प्रजातन्त्र पनि ।
घुमाई रमाई कमाई खाने हुने खाने हितमा ।
जनताको हित हुन्छ साम्यवादको जीतमा ।
मानिसको हित हुन साम्यवादमा जाने ।
दुःख लाग्छ प्रजातन्त्र दुःखी मानव मर्ने ।
जनतालाई उपचार खै त प्रजातन्त्रमा ।
जनताको भोको पेटलाई खै त धनी देशमा ।
मानिसको बिचल्ली छ तिम्रो प्रजातन्त्रमा ।
सबै मान्छे सुखी किन हुन्न प्रजातन्त्रमा ।
चुनावमा चिलले जित्छ किन प्रजातन्त्रमा ।
चुनावमा बमको वाणी बग्छ प्रजातन्त्रमा ।
चुनावमा धनको खोला बग्छ प्रजातन्त्रमा ।
दिएजस्तो गर्छ तर राख्छ आप्mनै मुठीमा ।
प्रजातन्त्र बाँडिएको झुन्ड झुन्डा गुटमा ।
झुन्ड गुटमा रमाउने खै त दर्शनमा ।
झुन्ड गुटमा रमाएको संसार सुखी हुँदैन ।
प्रजातन्त्र भन्छ खालि हित गर्दैन ।
संसारको हित गर्न साम्यवादमा हिँडाउने ।
चिसिएको चेतनालाई तातो बनाउने ।
रोगबाट मरे किन तिम्रो धनी देशमा ।
गरिबबाई हैन रैछ प्रजातन्त्र देशमा ।
साम्यवादको नीति भन्छ मानिसलाई नमार ।
पीडित भई कोई पनि आँसु नझार ।
हुने खाने धनी हुने शोषणको कलाले ।
नहुनेलाई भाग्यवाद प्रजातन्त्रले ।
नहुनेलाई नदिएको कोरोनाले बतायो ।
धनी देशको प्रजातन्त्र गरिब के पायो ।
विचार र विवेकमा प्रजातन्त्र चलेन ।
रोपेको त पोगल्टा हो र त फलेन ।
मानव बोल्ने भाषा छैन तिम्रो प्रजातन्त्रमा ।
मानव बाँच्नुपर्छ भन्छ आऊँ साम्यवादमा ।
दलालका पाटी खुल्छन् नमिलेमा फुटाउँछन् ।
हुने खाने कुरा मिल्दा हित्तचित्त मिलाउँछन् ।
साम्यवादको बाटो भन्दै रगत पोखेका हुन् ।
हुनेखानेसँग मिली सत्ता खाएका हुन् ।
साम्यवादको बाटो छेक्ने पैरो जान दिँदैनौँ ।
रगतले उठाएको झन्डा ढल्न दिँदैनौँ ।
साम्यवादलाई उग्रवादी हातले छुन दिँदैनौँ ।
मानवको कल्याणमा पछि हट्दैनौ ।
फाइदा लिन क्रान्ति भन्दै उग्रवादी आउँछन् ।
कहिलेकाँहि सचेतहरू बाटो बिराउँछन् ।
सहिदका जहान बालक अलपत्र पारिए ।
मर्नेहरू साम्यवादको बाटो भन्दै मारिए ।
उग्रवादी छाडा तत्त्व क्रान्ति भन्दै आउँछन् ।
हुनेखाने सत्तासँग जान्छन् बिलाउँछन् ।
साम्यवादको उग्र नारा उराल्नेको गति ।
हुनेखानेसँग मिले सहिदको क्षति ।
उग्रवादले गर्याे क्षति हुने खाने हुन ।
सहिदको रगतलाई सुक्नु दिनुहुन्न ।
निर्दोषका सहिद हुन् दोषी उग्रवादी ।
हुनेखानेसँग मिले धोके भोगवादी ।
फाल्नुपर्छ बोराबाट सडेजति आलु ।
हुनेखानेसँग मिले क्रान्ति नेता ठालु ।
नेता मानी पछि लागे अझै धोका दिन्छन् ।
अल्मल्याई ठग्न चर्का क्रान्ति नारा लाउँछन् ।
उग्रवादले क्रान्तिलाई अप्ठेरोमा पार्छ ।
हुनेखाने भोगविलासीसँग मिल्न जान्छ ।
कोरोनाको कहरले विश्व सताएको ।
उग्रवादी क्रान्ति सारा समाज बिथोलेको ।
क्रान्ति भन्दै समाजलाई अन्धकारको बाटो ।
क्रान्ति छोडी हुनेखानेसँग एउटै पाटो ।
नाराबाट नेता बन्ने अब दिन गए ।
उग्रवादी क्रान्तकारी बिलाएर गए ।
कोरोनाको कहरजस्तै उग्रवाद आयो ।
हुनेखानेसँग मिली सित सुके झैँ सुक्यो ।
सित हैन साम्यवाद विश्व सुक्न दिन्न ।
सुखी संसार बनाउने हो आँसु बग्नुहुन्न ।
उग्रवादका उग्र नारा तर्सिएका मन ।
उग्रवादका क्रान्तिकारी कमाउँदै छन् धन ।
ढाल्न सक्ने कसको तागत साम्यवादको नीति ।
कोही बेला उग्रवादले पुर्याउँछ क्षति ।
उग्रवादले चेतनालाई चिसो पार्या छैन ।
सित थियो बिलाई गयो अब डर छैन ।
कालो धनको धन्दातिर हुने खानेसँग ।
उग्रवादको उग्र नारा दुई दिनको रङ्ग ।
प्रजातन्त्र हुनेखाने धनी हुँदै जाने ।
साम्यवाद मान्छे सबै बराबरी हुने ।
प्रजातन्त्र अधिकारको ढोल पिटेर बाँच्यो ।
धनी देशमा गरिब मरे कोरोना रोग नाँच्यो ।
संसारको सही नीति साम्यवादी बाटो ।
उग्रवादी क्रान्ति भन्दै विर्सजनको बाटो ।
संसारमा गरिबको हार हुँदैहुन्न ।
उग्रवादी असिनाको भर पर्नुहुन्न ।
असिनाको विर्सजनले क्रान्ति रोकिदैन ।
यी हल्लाका ढोलहरू रूप फेर्न हैन ।
