भिवानी, १४ अप्रेल । मूल प्रवाह अखिल भारत नेपाली एकता समाज भिवानी नगर समिति अन्तर्गत विद्यानगर टोल समितिको आयोजनामा नेपाली नयाँ बर्ष २०७९ को शुभकामना आदानप्रदान एवं संगठनको प्रचारात्मक कार्यक्रम भब्य र सान्दार रुपमा सम्पन्न भएको छ ।
धन बहादुर सोमै मगरको अध्यक्षता र विकाश मल्लको सञ्चालनमा अघि बढेको कार्यक्रममा टोल समितिका उपाध्यक्ष सुरेन्द्र चन्द ठकुरीले स्वागत मन्तव्य राख्नुभएको थियो ।
कार्यक्रममा पश्चिम उत्तर क्षेत्रीय सचिव तथा केन्द्रीय सदस्य शालिकराम आचार्यको प्रमुख अथितिरहेको थियो । केन्द्रीय समितिदेखि नगर समितिसम्मका सम्पूणर् बिभागबाट प्रतिनिधिहरुको सहभागिता एवं उपस्थिति रहेको थियो । उक्त कार्यक्रममा विभिन्न बिभागका प्रतिनिधिहरुले आ-आफ्नोतर्फबाट धारणा राख्नु भएको थियो ।
मूल प्रवाह अखिल भारत नेपाली एकता समाजको महत्व र समाजले गर्दै आएको भूमिका एवं एकताको बारेमा वक्ताहरुले प्रष्टपार्नु भएको थियो । भारतस्थित नेपालीहरुको समस्या तथा निकट भविष्यमा सम्पन्न हुन गइरहेको स्थानीय तहको चुनावमा रा.ज.मोका उमेदवारहरुलाई विजयी बनाउनका लागि भिवानीबाट स्वदेश आ-आफ्नो मतदान केन्द्रमा पुगि गिलासमा मतदान गर्न वक्ताहरुले जोड दिनुभएको थियो ।
