रोहतक । मूल प्रवाह अखिल भारत नेपाली एकता समाज पश्चिमोत्तर क्षेत्रीय समितिको रोहतक नगर समितिमा १३३औं अन्तर्राष्ट्रिय श्रमिक दिवस कार्यक्रम सम्पन्न भएको छ ।
नगर समिति कावा अध्यक्ष सुभाष गौतमको अध्यक्षतामा सुरु गरिएको सो कार्यक्रममा विश्व भरिका चिर परिचित शहिदहरुको सम्झनामा एक मिनेट मौनधारण गरे पश्चात कार्यक्रम सुरु गरिएको हो ।
कार्यक्रममा उपस्थित जनसमुदायलाई नगर समितिका सदस्य टाम बहादुर परियारले शब्द द्वारा स्वागत गर्नुभएको थियो भने संतराम बिक, गणेश गौतम, सिता परियार, गणेश रसाईली धर्म सुनार र सुभाष गौतमले संसारका मजदूर एक हौँ।।, इनकलाव जिन्दावाद।। विर शहिद अमर रहुन।। भन्ने नाराका साथ श्रमिक दिवसको शुरुवात, इतिहास र अहिलेको अवस्था बारे मन्तब्य राख्नु भएको थियो ।
विभिन्न एरिया, टोल र विभागबाट साथिहरुको उपस्थिति रहेको उक्त कार्यक्रमको सञ्चालन विक्की परियारले गर्नुभएको थियो।
