रेवाडी । मूल प्रवाह अखिल भारत नेपाली एकता समाज रेवाडी नगर समितिको आयोजनामा २०८० सालको शुभ दिपावलीको अबसरमा शुभकामना आदानप्रदान तथा जनबादी भैलो कार्यक्रम सम्पन्न भएको छ । रेवाडीको ज्येष्ठ नेपाली नागरिक गोपाल फोरमैनको घरबाट कार्यक्रमको शुरुआत गरिएको थियो ।
उक्त कार्यक्रमलाई मूल प्रवाहका केन्द्रीय सदस्य ज्ञान प्रसादले सम्बोधन गर्नुभएको थियो । उहाँले दीपावलीको अवसरमा सु-स्वास्थ्य, सुख शान्ती र समृद्धिको कामना गर्नुभएको थियो । उहाँले आर्थिक, नैतिक एवं भौतिक सहयोग गर्नुहुने सम्पुणर् दाजुभाइ तथा दिदिबहिनीहरुलाई धन्यबाद दिदै- ‘सङ्गठनलाई जबजब समस्या र प्रतिकुल अबस्था सृजना हुन्छ तबतब तपाईंहरु सबैको मुहार सम्झन्छु अनि तपाइहरु सबैले निर्धारित जिम्मेवारिहरु पूरा गर्न तनमनले आफ्नो कार्यक्षेत्रमा खटिनु हुन्छ जसबाट संगठनलाई थप उर्जा मिलिरहन्छ ।’
त्यसका साथै हामीहरुले कुनैपनि पर्बहरुलाई प्रगतिशिल तरिकाले मनाउने प्रयत्न गर्नुपर्ने कुरामा शर्माले जोड दिनुभयो।
सहयोग गर्नुहुने सम्पुणर् नेता कार्यकर्ता तथा शुभचिन्तकहरुलाई केन्द्रीय समितिको तर्फबाट बधाई तथा धन्यबाद ज्ञापन गर्दै शुभकामना मन्तब्य राख्नुभएको थियो ।
उक्त कार्यक्रममा नगर समिति अध्यक्ष रामबहादुर खड्का, उपाध्यक्ष बिष्णु प्रसाद भण्डारी, सहसचिव देवेन्द्र केसी, महिला अध्यक्ष शान्ति सिंह, कोषाध्यक्ष चंदा अधिकारी, रितिका बस्नेत, लक्ष्मण श्रेष्ठ, हिमलाल अधिकारी सहित अन्य कार्यकर्ताहरूको सहयोग रहेको थियो ।
