वापी पश्चिम । मूल प्रवाह अखिल भारत नेपाली एकता समाज वापि पश्चिम नगर समितिको आयोजनामा २०२४ को प्रगतिशील देउसी भैलो समिक्षा तथा समापन कार्यक्रमको अध्यक्षता नगर समिति अध्यक्ष देवेन्द्र रावलले गर्नुभएको कार्यक्रममा प्रमुख अतिथि केन्द्रीय समिति सचिव तथा पश्चिम भारत क्षेत्रीय अध्यक्ष वेद बहादुर कार्की रहनु भएको थियो ।
यस्तै बिषेश अतिथि केन्द्रीय समिति सदस्य गोबिन्द बहादुर थापा रहनु भएको उक्त कार्यक्रममा अथितीमा केन्द्रीय समिति सदस्य रमकला काउछा कृष्ण कुँवर पश्चिम भारत उपाध्यक्ष बाबुराम दहित, सहसचिव हरि काउछा, सचिवालय सदस्य प्रविन काउछा, सदस्य निखील रावत, जितु ठकुल्ला, सेरबहादुर बिक, मान बहादुर थापा, महिला बिभाग केन्द्रीय समिति सदस्य बिना काउछा, मिहिला बिभाग वापि पश्चिम नगर संयोजक पवन खड्का, सिलवासा नगर समितिबाट सिता थापा, समाज सेवी आर सि चन्द लगायत अतिथि रहनुभएको थियो ।
समिक्षा तथा समापन कार्यक्रमलाई संबोधन गर्दै प्रमुख अतिथि बेद बहादुर कार्कीले परम्परागत संकृती रितीरीवाजलाई हामीले प्रगतिशील तरिकाले मनाउँदै समामाजमा परिवर्तन गर्नुपर्ने बताउनु भयो । यस्तै बिषेश अतिथि गोबिन्द बहादुर थापाले कार्यक्रममा आफ्नो भनाई राख्दै आगामि चैत्र महिनामा नेपालमा हुन लागेको संघीयता बिरोधी कार्यक्रममा सबै एक जुट भएर संघीयता खारेजी अभियानमा जुट्नु पर्ने भनाई राख्नुभएको थियो ।
नगर समिति सहसचिव नविन चलाउनेले सञ्चालन गर्नुभएको कार्यक्रममा नगर कोषाध्यक्ष दिनेश खड्काले स्वागत मन्तब्य राख्नु भएको थियो ।
