पुना पश्चिम । मूल प्रवाह अखिल भारत नेपाली एकता समाज पुना पश्चिम नगर समितिको आयोजनामा तिजी कार्यक्रम सम्पन्न पारिएको छ । कार्यक्रम अगस्त २५, २०२५ का दिन सम्पन्न पारिएको हो ।

कार्यक्रम केन्द्रीय सचिवालय सदस्य गोविन्द थापाको प्रमुख आतिथ्यमा सम्पन्न भएको हो । कार्यक्रममा केन्द्रीय समितिका सदस्य तथा क्षेत्रीय अध्यक्ष श्याम त्रामु, सदस्य अनन्त राहाडी, क्षेत्रीय सदस्य रामचन्द्र केसी, महिला विभागकी सदस्य रानी खनाल, इन्द्रा भण्डारीलगायतले अतिथि आसनग्रहण गर्नुभएको थियो ।

विष्णु पुलामीको अध्यक्षता तथा शेर बहादुर पुलामीको सञ्चालनबाट अगाडि बढेको सो कार्यक्रममा सहभागीहरूलाई खेमराज रावतले स्वागत मन्तव्य दिनुभएको थियो ।

कार्यक्रमको उद्घाटन प्रमुख अतिथि गोविन्द थापाले गर्नुभएको थियो ।