काठमाडौँ । हङकङ नेपाली एकता समाजले बागलुङ समाजसितको सहकार्यमा बागलुङ ढोरपाटन नगरपालिका–४ खुङ्गाका एक जना आँखाका गम्भीर बिरामीलाई एक लाख ९१ हजार (हङकङ डलर १२,२५२) सहयोग गरेको छ ।

राष्ट्रिय जनमोर्चाका केन्द्रीय कोषाध्यक्ष मधु क्षेत्री, राजमो नेता आनन्द शर्मा र प्रगतिशील पत्रकार सङ्घ बागमती प्रदेश समितिका अध्यक्ष रमेश पौडेलको उपस्थितिमा २०७८ जेठ ९ गते राजमो केन्द्रीय कार्यालय कपनमा बिरामी होमबहादुर अर्गेजालाई सो रकम हस्तान्तरण गरिएको हो ।

बिरामी होमबहादुर अर्गेजाको वनमा घाँस काट्न जाने क्रममा दाहिने आँखामा गम्भीर चोट लागेको थियो । अहिले उहाँको आँखाको उपचार काठमाडौँको तिलगङ्गा आँखा अस्पतालमा भइरहेको छ ।

बिरामी अर्गेजाले यतिखेर आँखाको अप्रेसनको प्रक्रिया अघि बढिरहेको जानकारी दिनुभयो । उहाँले जेठ १२ गते चिकित्सकहरूले अप्रेसनको तयारीका लागि अस्पताल बोलाइएको पनि बताउनुभयो ।

आँखाका बिरामी अर्गेजाले आफूलाई आर्थिक सहयोग गरेकोमा हङकङ नेपाली एकता समाज र बागलुङ समाजप्रति धन्यवाद व्यक्त गर्नुभयो ।

उहाँले भन्नुभयो– ‘तपाईंहरूको सहयोगले मेरो आँखाको सफल उपचार हुनेमा विश्वस्त छु ।’

उता, हङकङ नेपाली एकता समाजका अध्यक्ष तथा बागलुङ समाजका सचिव शक्तमान बुढाथोकीले दुवै सङ्गठनको संयुक्त पहलमा उपर्युक्त रकम सङ्कलन गरिएको जानकारी दिनुभयो । उ

हाँले आँखाका गम्भीर बिरामीलाई गरिएको यस खालको सहयोगका लागि सहयोगदाता सबैलाई धन्यवादसमेत दिनुभयो ।

सहयोगदाताहरूको नामावली

१) विश्व थापा $1000

२) उमा थापा $1000

३) गौमाया पुन $800

४ ) मिना पुन $501

५) मान थापा $500

६) सक्तमान बुदाथोकी $500

७) राजेश श्रेष्ठ $500

८) हेम छन्त्याल $500

९) रनसरा बुदाथोकी दुर्गी $500

१०) देवान सिहँ पुन $300