ओखला, ५ मार्च । मूल प्रवाह अखिल भारत नेपाली एकता समाज ओखला नगर समितिले निवर्तमान केन्द्रीय सदस्य मतीराज गौतमलाई विदाई गरेको छ । ओखला नगर समिति अध्यक्ष प्रबिण गुरुङको अध्यक्षतामा, नगर सचिव कन्या गुरुङको सञ्चालन एबं क्षेत्रीय कोषाध्यक्ष तिलक पाण्डेको स्वागत मन्तव्यबाट अगाडि बढेको थियो ।
सो विदाई कार्यक्रम केन्द्रीय अध्यक्ष ठाकुर खनालको बिषेश उपस्थितीमा सम्पन्न भएको थियो । बिदाई कार्यक्रममा केन्द्रीय अध्यक्ष ठाकुर खनालले दोसल्ला ओढाई सम्मान गर्नुभएको थियो । कार्यक्रममा सहभागीहरुले पनि गौतमलाई अबिर लगाई सम्मान सहित बिधाई गर्नु भयो ।
प्रमुख अतिथिको आसनबाट बोल्दै ठाकुर खनालले संगठन बिस्तार, अनुशासन, परिस्थिति अनुसार चल्न सक्नुपर्ने र मतीराज गौतमसँग सँगै काम गरेको र वहाँले संगठनलाई दिएको योगदानको बारेमा प्रष्ट्याउनु भएको थियो ।
मतिराज गौतमले नेपालमा गएर पनि श्रमजिवी वर्गमा पक्षमा सञ्चालन हनुे आन्दोलनमा सक्रियतापूर्वक सहभागि हुने बताउनु भएको थियो ।
कार्यक्रममा उपस्थित अतिथि आशन गर्दै, केन्द्रीय समिति सदस्य शिव केसी, केन्द्रीय सल्लाहकार बिन बहादुर कुँवर, नई दिल्ली नगर समितिका पहल सिंह परियार, नोएडा नगर समितिबाट कृष्ण कुँवरले आ-आफ्नो बिचार राख्नु भयो ।
