विष्णु बिसी, फरिदाबाद

26फरवरी 2023, मूल प्रवाह अखिल भारत नेपाली एकता समाज फरिदाबाद महिला नगर विभागको प्रशिक्षणात्कम भेला विभागकी संयोजक मायाँ बिसीको अध्यक्षता तथा केन्द्रीय बैकल्पिक सदस्य बाबुराम विष्ट, केन्द्रीय सल्लाहकार रमेश चन्द्र क्षेत्री, केन्द्रिय परिषद सदस्य विष्णु बिसी, क्षेत्रिय सदस्य धर्म खनाल, नगर समितिका सूर्य बहादुर क्षेत्री, मान सिंह विष्ट, सरिता बिसी, लोकराज थापा,राष्ट्रिय जनमोर्चा अर्घाखाँचीकी सदस्य कमला थापाको विशेष उपस्थितिमा सम्पन्न भएको छ ।

भेलामा आगामी दिनांक 22-23 अप्रैलमा हुन गई रहेको क्षेत्रिय सम्मेलनलाई आर्थिक, नैतिक र भौतिक रूपले सहयोग गर्ने निर्णय गर्यो । साथै वर्ष 2023को सदस्यता वितरण एवं नविकरणलाई तिब्रता दिर्दै व्यापक सदस्यता वितरण गर्ने निर्णय भयो । नेपालीहरूको बौद्यिक स्तर उठाउन पत्र पत्रिकाको ठूलो भुमिका हुन्छ, नेपाली समाचार साप्ताहिक पत्रिकाले त्यस क्षेत्रमा अहम भुमिका निर्वाह गरेको छ । त्यसको नयाँ ग्राहक अभियानलाई निरन्तरा दिदै ग्राहक बनाउने निर्णय भयो ।
भेलामा बाबुराम बिस्ट र रमेश चन्द्र क्षेत्रीले प्रशिक्षण दिनु भएको थियो ।