रायगढ । मूल प्रवाह अखिल भारत नेपाली एकता समाज रायगढ र अलिबाग नगर समितिको संयुक्त आयोजनामा तिजी कार्यक्रम भव्य रुपमा सम्पन्न पारिएको छ ।
सान्त पुनको अध्यक्षता र रितु त्रामुको सञ्चालनबाट अगाडि बढेको सो तिजी कार्यक्रममा केन्द्रीय प्रतिनिधि अनन्त राहाडीको प्रमुख आतित्थ्यता रहेको थियो । त्यस्तै केन्द्रीय सदस्य खुम पुन, केन्द्रीय वैकल्पिक सदस्य तथा मध्य पश्चिम भारत क्षेत्रीय समितिका अध्यक्ष श्याम त्रामु, महिला क्षेत्रीय विभागकी सदस्य मिना गुरुङ, एमी राना, प्रावली थापा, शुशिला थापा, क्षेत्रीय समितिका जायश्वर अधिकारी लगायतले आतित्थ्यता एवं शुभकामना मन्तव्य दिनुभएको थियो ।
कार्यक्रममा साँस्कृतिक विभागका कलाकारहरुद्धारा भव्य प्रगतिशिल तिजी साँस्कृतिक कार्यक्रम प्रस्तुत गरेका थिए भने, सहभागि महिला दिदी बहिनीहरुले मौलिक गित एवं नृत्य प्रस्तुत गरेका थिए ।
