सुन्नु होला दिदिबहिनी सुन्नु मेरा दाजुभाइ
दुई हजार सतहत्तर सालको तीज गीतलाई
कोभिड उन्नाईस कोरोनाले धेरै मान्छे मार्यो नि
विश्व भरी जताततै हानी पार्यो नि
कति मरे बाबाआमा कति मरे दाजुभाइ
कसैलाई नि छाडेन मैँ हुँ भन्नेलाई
अरु देशले कोरोनाको रिपोर्ट दिन्छन् क्षण भरमा
मरे पछि रिपोर्ट आउँछ हाम्रो देशमा
सलह नि आयो बरै तिव्ररुपमा बढेर
कति मानिस बेपत्ता भो पहिरो झरेर
ठाउँ ठाउँमा पहिरो गयो घर सबै बगायो
हामी दुःखी मजदुरलाई रुवाउनु रुवायो
पहाडमा पहिरो गयो मधेशलाई डुबायो
हामी दुःखी जनताको मनै रुवायो
हाम्रो देश नेपाल संस्कारको धनी छ
भ्रस्टाचार धेरै भयो विकासको कमि छ
हाम्रा देशका नेता देखि दिक्क लाग्दै आ’को छ
हेर्नुस हजुर नियम कानुन उल्टा भाको छ
मान्छे बेच्ने दलालीलाई धरौटीमा छाडिन्छ
हत्याहिंसा गर्नेलाई सम्मान गरिन्छ
हाम्रो देशका सोझा जनता मरि राछन् दिन दिनै
काँचुली झै कुरा फेर्छन नेता छिन छिनमै
कहिले हेर्न पाउने हाम्ले देशको मुहार फेरेको
जुनै नेता आए पनि कानै चिरेको
कहिले नाका बन्दी कहिले मिच्छन् सिमाना
छिमेकी नि हाम्रो लागि छैनन इमान
रोक्नु पर्छ हामीले अन्याय र अत्याचार
यति भन्दै बिदा हुन्छु सबलाई नमस्कार
बिनु केसी
(अध्यक्ष , युएई नेपाली एकता समाज महिला विभाग)
