मूल प्रवाह अखिल भारत नेपाली एकता समाजले आफ्ना दिवंगत दुई कार्यकर्ता मधु विक र सावित्रा विकको स्मरण गरेको छ । मूल प्रवाह श्रीगंगानगर नगर समितिले शोक सभाको आयोजनामा गरी उहाँहरुप्रति सम्मान अर्पण गरेको हो ।
मूल प्रवाह अखिल भारत नेपाली समाज श्रीगंगानगर नगर समिति अन्तर्गत रक्तिम विभागमा कार्यरत पति पत्नी मधु र सावित्राको २९ मइका दिन निधन भएको थियो । उहाँहरु प्युठानको झिमरुक गाउँपालिका वार्ड नम्बर ७ निवासी हुनुहुन्थ्यो ।
आइतबार आयोजना गरिएको शोकसभालाई सम्बोधन गर्दै समाजका केन्द्रीय अध्यक्ष दुर्गा बहादुर केसीले दिवंगत मधु र सावित्रा संगठनको निष्ठावान कार्यकर्ता रहेको र उहाँहरुको निधनले संगठनलाई अपूरणीय क्षति पुगेको बताउनुभयो ।
कार्यक्रममा मूल प्रवाहका केन्द्रीय उपाध्यक्ष कपिल खनाल, महासचिव ठाकुर खनाल, केन्द्रीय सदस्य कृष्ण जिसी, केन्द्रीय सदस्य एवम् क्षेत्रीय कोषाध्यक्ष दिनेश खडका, लक्ष्मण खड्का, केन्द्रीय सल्लाहकार एवम् नेपाली समाचारका संयोजक खिमराज चालिसे, महिला क्षेत्रीय विभागकी सचिव जुना चालिसे, मूल प्रवाह क्षेत्रीय सदस्य तारा सोमारे, सोभाराम सापकोटा, नर बहादुर ओली, महिला क्षेत्रीय सदस्य वसन्ता नेपाली, वागमती केसी, नगर अध्यक्ष गिरुप्रसाद न्यौपाने, सदस्यहरु जागेश्वर न्यौपाने, विष्णु विक, विष्णु न्यौपाने, चिन्तामणि भट्टराई लगाएतले मधु र सावित्राप्रति भावपूर्ण श्रद्धाञ्जली अर्पण गर्नुभयो ।
क्षेत्रीय सदस्य हुम बहादुर विकको अध्यक्षता र केन्द्रीय सदस्य त्रिभुवन भट्टराईले सञ्चालन गर्नुभएको शोकसभामा २ मिनट मौनधारण गरी उहाँहरुको सम्मान गरिएको थियो ।
