गंगा कडायत ##
देशको बिकास गरौँ, सन्देश छ यसपाली,
देशको लागि मर्नमेट्न तयार हामी नेपाली ।
प्रदेशमा भए पनि देशका लागि लडने छौँ,
देशको बिकास गर्नलाई अघि बढ्ने छौँ ।
छैन रोजगार स्वदेशमा भयौ सबै बेरोजगार,
प्रदेशमा हामी सबै नेपाली गर्छौँ अव्यवहार ।
प्रदेशका गल्ली गल्ती कुना काप्चा नेपाली,
देशमा छैन रोजगारी प्रदेशमा भए बिचल्ली ।
देशमा रोजगार पाएदेखी किन प्रदेश जानेथे,
आठो पिठो भएपनि परिवारकै साथमा खानीथे ।
छैनन कोही नेपालमा चारै दिशा छरिए,
सुन्ने भयो पाखापखेरा, गाउँघर प्रदेश भरिए ।
हाम्रो देशका युवाहरू देशमै थियो खाचो त,
नेताहरूले लिन पर्ने देशको चिन्ता चासो त ।
जनताको चासो छैन हाम्रा देशका नेतालाई,
देशमा रोजगार मिन्नु छैन आफ्ना जनतालाई ।
ठुला महल छोड्नालाई गारोहुने नेतालाई,
कति दुःख कति कष्ट हामी जनतालाई ।
